किल्ले रामशेज येथे श्रमदान व स्वच्छता मोहीम उत्साहात पार पडली

नाशिक प्रतिनिधी :-

 भारतीय जनता पार्टी युवा मोर्चा आणि मावळा मित्र मंडळ यांच्या संयुक्त विद्यमाने आयोजित किल्ले रामशेज श्रमदान आणि स्वच्छता मोहीम मोठ्या उत्साहात पार पडली. या मोहिमेत सर्व मित्र परिवार आणि किल्ले दुर्ग संवर्धन सभासदांनी उत्स्फूर्त सहभाग नोंदवला.

गड-किल्ल्यांचे संवर्धन आणि स्वच्छता राखण्याच्या उद्देशाने आयोजित या मोहिमेअंतर्गत रामशेज किल्ल्यावरील परिसर स्वच्छ करण्यात आला. किल्ल्यावर वाढलेली गवतझुडपी, प्लास्टिक आणि अन्य कचरा संकलित करून ते योग्य प्रकारे टाकण्यात आले. तसेच, गडाच्या संरक्षक भिंती आणि पायऱ्यांची डागडुजी करण्यात आली.

या मोहिमेत स्थानिक गडप्रेमींनीही मोठ्या संख्येने सहभाग घेतला. स्वयंसेवकांनी श्रमदान करत गडाच्या संवर्धनासाठी योगदान दिले. पर्यावरणपूरक पर्यटन वाढविण्यासाठी स्वच्छता आणि गड संवर्धन गरजेचे असल्याचे मत आयोजकांनी व्यक्त केले.

या उपक्रमाचे संयोजन भाजप युवा मोर्चाचे पदाधिकारी आणि मावळा मित्र मंडळाच्या कार्यकर्त्यांनी केले. त्यांनी भविष्यातही अशा मोहिमा सातत्याने राबवण्याचा निर्धार व्यक्त केला.

किल्ले दुर्ग संवर्धनासाठी प्रत्येक नागरिकाने पुढाकार घ्यावा आणि गडकोटांचे जतन करण्यासाठी योगदान द्यावे, असे आवाहन उपस्थित छावा क्रांतीवीर सेना प्रणित मावळा मित्र मंडळ व भाजपा युवा मोर्चा गडकिल्ले संवर्धन व स्वच्छता मोहिम किल्ला रामशेज चे अमोल शिंदे, वैभव रन्हेर व तन्मय गांगुर्डे यांनी केले आहे. मोहिमेच्या यशस्वी आयोजनाबद्दल सर्व स्वयंसेवकांचे आणि सहभागी संस्थांचे अभिनंदन करण्यात आले.